【前後對比】周海媚拍片加漏Filter即出事

53歲的周海媚（海味）近年轉攻內地市場，由當年嘅「最美周芷若」去到近年嘅「最美滅絕師太」，又試過谷盡事業線參演內地劇《武則天》，全部都同個靚字有關，點知依家轉玩短片網嘅佢，其中一條新上載嘅片入面，竟然被發現加漏咗美顏Filter，真實樣貌即時現形！

閒時就會拍「快問快答」片、煮嘢食片同養狗日常等，畀大家可以更深入了解佢嘅生活，佢嘅個人Channel累積逾350萬人，最高觀看次數嘅片已經去到逾740次播放量，即係近成個香港咁多人睇佢啲片，都咪話唔厲害。

「不老傳說」享譽盛名嘅佢，點知就喺一段講單身嘅短片中，周海媚以一身名牌居家Look上陣，提到自己原來曾推過「周芷若」一角，佢又大膽回應至今仍單身嘅問題謂：「能活得很開心，不一定要找個男人在身邊，礙手礙腳！」淡妝上陣嘅佢今次竟然唔記得開美顏，一近鏡臉上皺紋就變得好明顯，加上佢戴埋藍綠色嚇人Color Con，都咪話唔驚！