似大師級作品！蔡卓妍畫玫瑰送媽媽

藝人蔡卓妍（阿Sa）早前在家自我隔離，不時畫畫解悶，好似之前就搵工人姐姐幫忙影相記錄作畫過程，結果out晒fo，搞到笑料百出。雖然啲相得啖笑，不過阿Sa嘅畫功的確進步神速，見臨近母親節，阿Sa就搞搞新意思，親自畫花送畀媽媽，有創意之餘亦非常有心思。阿Sa喺社交網大晒畫作，並留言：「今年送畀媽咪嘅母親節禮物，物輕情義重，花。」見佢將一朵朵玫瑰畫得栩栩如生，睇落仲以為係畫廊作品，即獲網友大讚畫功出眾，仲話媽媽收到一定好開心。