值唔值得原諒？街坊點睇偷食事件！

娛樂版頭條三日唔埋兩日就有藝人偷食，上個月除咗有羅志祥被網紅女友周揚青大爆背著佢進行「多人運動」，緊接著又有黎振燁同同劇演員朱智賢因為拍新劇「食腦喪B」燵著，仲要去到荒山野嶺食蛋糕，畀媒體捉到正唔到佢哋唔認。話晒黎振燁都有個初戀老婆兼有埋八個月身孕，就算老婆對著鏡頭話原諒佢，都逃唔過道德審判。至於朱智賢又有男友謝東閔齊齊出記招力撐，暫時先被無綫掟入雪櫃。

最近鍾欣潼（阿嬌）同台灣美容醫生老公賴弘國閃離，結束14個月婚姻，雖然賴弘國po文話係阿嬌唔愛佢，但亦有傳賴弘國婚後繼續愛夜蒲攬女。

「偷食事件」分分鐘出現你同我身上，一於落街問下街坊點睇啦！