人生高峰！梁漢文脹到155磅求減肥大法

歌手梁漢文（Edmond）將於10月舉行紅館騷，他上載了一條短片到社交平台，發文表示：「相信有唔少人都同我一樣，因為近呢幾個月嘅疫情成日都要stay home，不停係咁食，又冇得去健身室做運動，上咗人生嘅高峰?我最近上磅就發現自己去到155LB !!!好恐怖?今年10月尾我將會開紅館演唱會，趁住仲有半年時間，試吓用唔同嘅方法睇吓有冇效果先?如果你都因為呢個疫情而肥咗?歡迎埋嚟一齊減?」

短片中見他致電給不同好友問減肥方法，其中任賢齊教他食白烚番薯；林敏驄則抵死叫他食蚊、烏蠅，令他忍不住笑；李克勤又抵死叫他「直頭唔食」；謝霆鋒則謂食75%以上的黑朱古力；容祖兒則自嘲：「我唔知可唔可以幫到你，因為我好騎呢」；而張繼聰就謂唔食飯減肥是唔得；而蔡一傑則謂：「梗係要隊一碟飯啦！」更「老友」到話可以上Edmond屋企煮飯給他食！一眾方法聽到Edmond笑騎騎，一些則聽到眼突，而短片則預告之後會有更多內容。