未遇啱對的人！張可頤差啲成個月冇見阿媽

藝人張可頤出席ViuTV劇集《暖男爸爸》記者會，透露近年偏愛輕鬆溫情本土作品，故二話不說接拍。飾演保險經理的她，見盡不同類型異性，問到現實生活如何揀男仔？她說：「依家覺得靈魂緊要啲，後生時鍾意男仔，但當有番咁上下經驗，就知咩最適合自己。（咁搵到未？）未遇到，其實監製有少少同我度身訂造角色。」

談到周日的母親節，可頤表示現時尚未收到當日通告，寄望能抽空與她飲茶，並與幾個姊妹夾份送花：「其實疫情關係成個月冇見，早兩日外景佢就拎湯嚟探班，叫做見到個面，始終都唔想佢太頻繁出街。」