食大咗要減肥　謝芷倫操機嬌喘引人遐想

為咗避「炎」減少出街，好多藝人都會留喺屋企騷吓廚藝，咁煮完最後當然係食晒落肚，日日咁不停食嘅結果係體重節節上升，好似謝芷倫（Jan）咁，佢不時都喺社交網教吓整蛋糕，為咗唔會日日食蛋糕導致身材走樣，呢日佢就喺屋企玩跑步機，仲拍片畀大家睇佢玩到爆晒汗，啲水喺手臂到滴落嚟，唔少網民都讚佢夠自律好勤力，不過有人就錯重點放咗喺佢把聲度，因為佢一路跑步一路嬌喘，再加埋句：「好勁呀~」搞到網民都話想同佢一齊做吓運動。