慈善冇限期!郭富城直播騷爆汗喪跳

20200509
東網電視
更多新聞短片
辛苦晒城城!
天王郭富城今日在尖沙咀露天場地舉行網上慈善演唱會,為受疫情影響生計的舞蹈員及電影幕後工作人員籌款。他聯同近百舞蹈員一同表演,以《對你愛不完》掀起序幕,他表示:「今次演唱會對我好重要,因為我由舞者出身,但今時今日好多舞蹈員失業,所以希望透過演唱會為佢哋紓困,好多嘢有限期,唯獨慈善係冇限期同係即時。」戴上黑超的他期間除低副超抹汗,穿上短袖衫的他又大騷麒麟臂。
連唱幾首慢歌後,唱到《Para Para Sakura》時,城城又與一班Dancers熱舞,之後城城提到:「今次唔止幫身處困境嘅舞蹈員,亦會幫助電影幕後工作者,佢哋冇工作冇收入,《Para Para Sakura》係我多年前嘅一首主題曲,而另一首意義深刻、為我帶嚟第一個電影榮譽嘅歌就係《三岔口》,多謝幫過郭富城嘅電影幕後工作人員。」而直播期間見到很多網友都有捐出善款。
城城與一班Dancers表演到《分享愛》時,他與Dancers拍手講加油,又排出個「心形陣」,之後城城提到:「慈善係我終身事務,我成立慈善基金會係有原因,因為受媽媽影響,佢細個帶我做義工,幫助人時會得到快樂,今次透過基金會為舞蹈員同電影幕後工作人員籌募經費,希望哋可以度過困難。」
他又提到明日是母親節,感觸表示:「雖然媽媽離開咗,但永遠活喺我心裏面,我會繼續行善,以下呢首歌送畀全天下嘅母親,祝佢哋聽日母親節快樂,世上好多嘢會變,惟獨母親嘅愛唔會變。」講完他即向上天飛吻,唱出《不老的情歌》時又望住天,似唱給天上的媽媽聽,唱完後眼紅紅的他又抹雙眼,之後又感觸唱出《愛的呼喚》。
尾聲時,城城謂每人心裏有信念,團結、齊心、互助,希望疫情快過,重過正常生活,慈善無分時間,是立刻。他又謂自己由舞者出身:「今次見證佢哋熱愛舞蹈,好感動,其實我同大家一樣,雖然呢段時間冇工作,但唔緊要,只要有信念就得,能夠幫佢哋係榮幸,希望可以用呢首歌《強》為全世界打氣,為香港打氣。」之後演唱會圓滿結束。