同途人搶購口罩！郭子豪爆方紹聰有臭狐

藝人郭子豪及方紹聰（奶仔）日前到油麻地一間藥房，拍攝無綫新劇《食腦喪B》，劇情講述二人與途人爭買口罩。問到現實中可有搶口罩？子豪笑言託江嘉敏買：「佢好好，可能佢來貨價係20蚊，但就『友情價』100蚊一個賣畀我哋，近排佢應該賣口罩發咗達。」奶仔即說：「你咁樣講江嘉敏會嬲㗎！要錄低畀佢聽先。」

奶仔又爆子豪扮Friend：「佢逼我搭佢膊頭營造Close嘅感覺，但好熱！」子豪即反擊：「你舉一舉手呀！真係好臭！」奶仔笑言：「其實臭唔臭好主觀，所有嘢都有唔同角度，好似有啲人鍾意食榴槤。」