無私奉獻　張美妮改掉脾氣做個好媽媽

藝人張美妮自從生完囡囡雯雯後甚少接工作，專心做少奶奶，今年母親節對美妮特別有意義，原因是她的第一個做母親的母親節，在老公阿KK提議下，一家三口去沙灘玩，預早慶祝一番。

美妮謂：「我都覺得咁樣係最好嘅節目，同埋阿囡一齊出去戶外吸收吓大自然新鮮空氣，好開心呀！佢第一次見沙同水，雖然初時有少少怕，但之後見佢都好興奮。」

原來今次是她與老公拍拖時去過沙灘後，第一次再踏足沙灘，愛白的她很怕曬，平時游水都只限於游池。她說：「今次同囡囡一齊真係點曬都冇所謂，依家做咗媽咪之後，先感受到母愛有幾深，以前嘅我好享受私人時間，而且所有時間都係畀晒囡囡，由朝起身忙到夜晚，完全冇私人時間，但我真係一啲都唔覺得辛苦，每日都係好enjoy。」

成為母親後，囡囡激發了她，改變了沒耐性、嫌麻煩，現在是囡囡的榜樣，所以要變得更好脾氣、個性：「其實我發覺自己好有母愛，依家先係最真嘅張美妮，我希望將最好嘅都畀佢，做個好媽媽，教育佢。」