藝人楊秀惠日前於自己出生成長地馬來西亞誕下女兒，現時正值坐月期。而今年她更首度以媽媽身份過母親節，真正體會做母親是一件很偉大和不簡單的事，明白做母親的犧牲和付出，辛苦又疲倦。她接受東網訪問時謂：「媽媽將佢最美好嘅青春花喺我哋三兄妹身上，放棄咗自己嘅夢想、享樂時光，無私奉獻畀我哋。」

日前，她帶BB到診所覆診，看到一位媽媽抱着剛出世的嬰兒，戴着口罩不斷流淚，一臉憂心忡忡，令她另有一番體會。秀惠說：「其實世上所有母親，由懷孕嗰一刻開始，已經充滿焦慮、恐懼，擔心BB嘅一切，簡單如嘔奶、面上生粒粒，都會對BB嘅健康充滿憂慮。養兒一百歲、長憂九十九，即使依家自己做咗母親，我媽媽都仍然會好擔心我，對我如小朋友般無微照顧，仲要照顧新生外孫，所以媽媽，唔只愛錫自己兒女，就連仔女嘅下一代都一樣用心去疼愛，多謝媽咪！」