老公終於改過？江若琳晒自然美床照揭真相

藝人江若琳（Elanne）曾經喺社交網公然投訴老公蕭唯展（Oscar）影相技術差勁，又唔識構圖同就角度，搞到佢成日要後期加工，先可以將「靚相」上載至社交網！

今次Elanne就上載兩張靚靚「床照」，見素顏上陣嘅佢，頭髮微亂加埋甜美笑容，唔少網友以為Oscar影相技術一日千里，喺Elanne鞭策底下，咁快就影出令老婆滿意嘅作品，但細睇原來幫Elanne影靚相嘅並唔係Oscar，只係Elanne個朋友，令成班朋友同網友感到失望，仲笑言差啲讚錯人，Elanne亦睇淡咁話：「發夢啦，佢只會影草先有心機！」