入稟向趙薇老公追債2億 蔡一鳳:15號係限期

20200510
東網電視
更多新聞短片
蔡一鳳入稟向趙薇老公追債2億。
名媛蔡一鳳(Michelle)現身抗疫活動派物資,提到之前Michelle入稟向趙薇老公黃有龍追債近2億,問到官司的進展,她表示對方至今仍未提交抗辯書:「佢由12月拖到依家都仲未畀,今個月15號就係last day,如果15號仲唔畀抗辯書,法官就會判佢嗰邊輸官司,要清佢嘅財產。由於過年之後話要避『炎』,一直搵唔到人,只可電話聯絡。」
講到Michelle有份出席藝人鍾欣潼(阿嬌)與賴弘國的婚禮,對於最近兩人爆離婚,她坦言有傳短訊慰問阿嬌:「我諗佢應該收到好多短訊,所以我冇預佢回覆,畀佢靜吓,私人事由佢哋自己處理。我同男方唔熟,之前都係由阿嬌介紹我哋認識。(依家搞到唔係和平收場?)我唔清楚詳情,係佢哋兩個人嘅事,其他人無法評論,我諗有乜事都唔會互相推卸,分手都係朋友。」
今日母親節,她稱原本已訂枱今晚與奶奶食飯慶祝母親節:「但奶奶將張枱讓咗畀人,所以改為食午飯,但我中午要派物資,所以食唔到。今晚我同BB喺屋企食飯慶祝。(老公盛品儒有冇代兩個一對仔女送禮物畀你?)之前幼稚園教BB畫咗畫,已經算係,唔知有冇花收呢!」