唐詩詠準備禮物7月獻亡母 網民估閃婚

20200510
東網電視
更多新聞短片
今日母親節,唐詩詠梗係思念媽媽啦!
藝人唐詩詠出名係孝順女,不時都會思念已故母親,早年佢勇奪視后時,亦在台上灑淚感謝亡母,場面非常感人。今日母親節,佢喺社交網發文抒發對媽媽嘅思念,佢上載一張工作照,並向媽媽表示自己生活愉快、不需掛心:「媽媽,我很好,放心。」
佢又續指準備咗一份禮物,將於7月送畀媽媽:「準備了一份禮物,7月送給你,記住到時來找我,掛念。」唔少網友都好好奇,紛紛競猜究竟佢會送咩畀媽媽,有網友估佢可能係公布戀情甚至閃婚,有網民笑指希望男主角係馬國明。