鄭欣宜拒同許廷鏗交配　驚下一代好醜樣

藝人鄭欣宜與盧冠廷下午現身山頂，舉行抗疫音樂會。適逢母親節，欣宜坦言想念離世母親：「一定會，但依家以唔同方式懷念。我用唔同嘅角度去過呢個母親節，事關自己最好嘅朋友生咗個仔，我覺呢個契仔好似我。BB依家開始識得爬，Pat Pat好翹，我都想同佢一樣，哈哈！（鈎起你考慮做媽媽？）好事嚟，不過暫時未有對象，不如你哋（記者）介紹畀我。（許廷鏗囉。）我唔可以同佢交配，事關玩過個app，我哋嘅下一代會好醜樣，淨係個鼻已經佔咗成塊面70%。（有冇趁節日問候謝婷婷？）冇喎，未搵，醒唔起添！」

抗疫期間欣宜相當好彩：「收入冇大幅減少，好多客戶都明白，改為要求我網上甫圖、文宣傳啫。而疫情未去到好嚴峻之前，我仲去咗日本學舞，當時政府未有要求，但我返嚟自己隔離14日。」她表示目前每日「化行妝」，拍片於網上與粉絲互動，但過卻自嘲拍片技術認真麻麻。