避談大肚！吳若希過節被高顏值細佬搶鏡

歌手吳若希（Jinny）被東網獨家踢爆秘密佗仔，已經懷孕3個月，而今晚她就攜同囡囡淼淼帶同蛋糕去為媽咪慶祝母親節。她在社交網上載一家人合照，當中還有她的細佬，她簡單寫着：「Happy mother's day」，隻字不提有孕喜事，不過Jinny面珠飽滿，連鼻哥都明顯大咗，有粉絲都留言問她是否有喜，但她就未有回應。

留言中大家將亮點全放在她的細佬身上，好似同門師妹戴祖儀讚她細佬愈來愈靚仔，Jinny即搞笑留言：「你要抱走？」有粉絲大讚她細佬有金城武feel、似日劇男主角，但又有人覺得似韓仔，有粉絲笑言：「好多人睇中細佬，小心呀。」