【大狗砸死媽】林夏薇抱愛犬雞手鴨腳

昨日母親節，為人子女均絞盡腦汁與媽媽慶祝，以往每年都抽時間做孝順女的林夏薇，基於疫情關係，母女二人暫時分隔異地，未能聚在一起，故薇薇趁節日晨早打長途電話同媽媽表達愛意，並承諾疫情過後定必補祝。

而薇薇除了是媽媽的寶貝女外，亦是三隻狗狗的媽媽，所以她抱住其中一隻愛犬「金叵籮」拍片放上社交網，祝願大家母親節快樂，不過瘦蜢蜢的薇薇抱住甚有分量的「金叵籮」似乎有點吃力，搞笑非常。

薇薇受訪時表示：「媽咪喺廈門，所以疫情過後大把時間補祝嘅，最重要大家身體健康，不過我都係媽媽嘛！趁今日帶佢哋出去放電，遲啲開劇就冇咁多時間，呢排疫情成日留喺屋企，好用心煮嘢畀佢哋食，所以感情昇華咗好多，依家三隻狗狗好嗲我㗎！」