張衞健請食「十三么」冧媽媽

盡孝都要有心思！出名同媽媽關係要好嘅藝人張衞健，深知媽媽熱愛打麻雀，索性投其所好，親自炮製同麻雀有關嘅大餐，食得又玩得，又可以氹到媽媽開心，真係一次過滿足晒三個願望呀！張衞健網晒同媽媽合照，原來佢親手造咗「麻雀壽司」，仲砌咗胡牌陣式「十三么」，媽媽以「發財」壽司自摸胡牌。網民大讚有心思，更話好在張媽媽係熱愛打廣東牌，如果係台灣牌，真係仲大工程！