屋企變影樓！陳茵媺晒超水準專業級自拍

前港姐陳茵媺（Aimee）搞作多多，除不時下廚自製蛋糕外，近日更玩埋攝影，仲喺家中自設攝影棚，自拍出專業攝影師級數嘅作品，相當犀利！

日前佢喺社交網透露換咗新髮型，剪咗一頭清爽短髮，並晒出一張近照，正當大家以為呢張相十足工作照之際，原來係Aimee一手一腳自己拍攝！佢上載出照片製作嘅幕後花絮片段，片中見佢由set燈、鋪牆照以至調校角度，都自己搞掂晒，而且出嚟嘅效果完全睇唔出係喺家中自拍，認真估佢唔到。佢又留言今次一人分飾「模特兒」及「攝影師」，係一個好難忘嘅經驗，仲話令佢諗番起昔日讀設計學校時嘅日子。