何依婷正式離開Think Big　全力衝刺拍劇？

憑處女劇《機場特警》中「一坐成名」嘅何依婷近年獲無綫力捧，除一直都係無綫兒童節目《Think Big天地》及《學是學非》嘅鐵腳主持外，佢仲開始頻頻接新劇，更被網友推為「美腿女神」，成功彈出！

佢今日就忽然宣布自己喺《Think Big天地》正式畢業離開，兩年多光陰令佢都好依依不捨，仲講到明會喺其他節目碰面，似乎佢已經接到新Job，未知會否向拍劇之路邁進呢？

何依婷發文：「好唔捨得大家　好唔捨得Think Big一班幕後既工作人員　亦好掛住疫情前一班小朋友上嚟同我哋一齊玩嘅時光　每次見到小朋友玩得開心，樂天可愛嘅笑容都會覺得好溫暖　就算拍攝要企足全日、講足全日都係值得嘅。雖然要離開Think Big了　但真的好感謝大家一路既照顧同鼓勵　相信我哋仲會有好多機會喺其他節目碰面　Thank you and love you all❤️　P.S 說好的狼人局要再約！」