胡鴻鈞鬆口提愛情狀態：努力經營中

歌手胡鴻鈞（Hubert）帶埋「石敢當」毛公仔到電台宣傳劇集《降魔的2.0》插曲《凡人不懂愛》，他指歌曲的意思是遇到愛要用心經營，現時正努力經營中，被問到對象係邊個時？他直言：「搵緊！（唔認同緋聞女友蔡思貝發展中？）冇呀，有乜會同大家分享。」他又話剛過去的母親節同自己媽咪過，蔡思貝沒見過其家長，而他只在電視上見過女方父母，笑言：「現時搵對象要加把勁。」

講到自他和蔡思貝傳緋聞後，傳惹密友許廷鏗不滿，許廷鏗更指生日時沒有收到他的祝福，Hubert就話：「佢生日嗰日我有send訊息畀佢，可能太多朋友祝福佢，佢冇留意到，佢生日都有朋友陪佢過啦，依家我同所有朋友都失聯。」問是否有異性冇人性？他直言：「係冇異性冇人性，連蔡思貝有時都唔覆。」有謂許廷鏗呷醋，他則指對方不會嬲，大家是朋友。蔡思貝前緋聞男友余德丞在專訪中笑言自己和Hubert更合襯，Hubert就話同余德丞好Sweet:「我哋一齊買糖水。」