女神號召力不再!陳妍希慘被品牌砍價

2020年05月12日 12:14
東網電視
更多新聞短片
已被遺忘?
2011年因演出電影《那些年,我們一起追的女孩》「沈佳宜」一角而爆紅嘅台灣女星陳妍希,工作接踵而至事業創高峰,不過由少女變成人母嘅佢,有傳近年風光不再,女神號召力大不如前,被化妝品品牌砍價200萬新台幣(逾51萬港元)。
有指陳妍希未能為品牌帶來一定銷售量,又好難配合宣傳活動,由去年450萬新台幣(逾116港元)減至250萬新台幣(逾64萬港元)。為咗挽救人氣,有傳佢會搵埋老公陳曉參與新人騷!
陳妍希當年因為《那些年》而成為網民嘅女神,2013年與陳曉因拍攝大陸劇《神鵰俠侶》而戲假情真,2016年結婚,年底兒子「小星星」出世。不過婚後專心相夫教子嘅佢事業上減產,人氣已減退不少。之後佢為咗博翻身,除咗拍吓電影,亦有參加大陸綜藝節目《乘風破浪的姐姐們》,不過佢只係短暫出演,5月5日嘉賓名單更新後,已唔見佢個名,未知係「被除名」定「有事主動請辭」。