愛情長跑24年！52歲蘇玉華潘燦良入紙註冊結婚

現時53歲、去年憑電影《逆流大叔》角逐金像獎「最佳男配角」嘅潘燦良同52歲嘅蘇玉華拍拖踏入第24年，期間一直非常恩愛，係圈中嘅金童玉女。潘燦良曾多次向女友求婚，直至2014年蘇玉華出席活動時，自爆潘燦良喺2013年時去日本旅行時向佢求婚成功，但求完之後一直都未正式結婚，潘燦良就話因為大家好懶，所以冇扚起心肝做呢件事。

今日終於有好消息，東網發現兩人入紙註冊結婚，擬結婚通知書正式曝光，佢哋報稱同一個地址，似乎已經婚前同居，過緊二人世界。