夏天拍古裝點算好？湯洛雯帶定兩套內衣

無綫花旦湯洛雯在將軍澳電視城為新劇《一笑渡凡間》開工，劇中她飾演捕快。講到近日天氣酷熱拍攝古裝可辛苦？她笑說：「好彩今日冇咁熱，前幾日就熱到流晒汗，有啲同事都爭啲中暑，我就OK，因為同蕭正楠拍《翻生武林》都係最熱嘅時間拍，都慣咗夏天拍古裝。

問到可有消暑良方？她說：「其實都冇乜，我就會準備兩套內衣更換，每換一次衫都會換內衣，如果唔帶就要去洗，同埋會有兩把風扇跟身。」講到朱智賢與黎振燁發生偷食事件後，有指謝東閔曾與她暗交，她說：「之前都回應咗，唔回應喇，唔係實嘅嘢唔回應，過去由得佢過去。」