《降魔的2.0》麦凯程传涉示威运动　工作全被煞停

无綫热播剧集《降魔的2.0》中饰演降魔富二代“施劳斯”嘅26岁无綫艺人麦凯程（Alex），传去年参与示威运动正等候警方受查，被无綫全面煞停工作，连该剧宣传活动都未有出席。据知，Alex已返回法国，社交网已有三个月冇更新，最近先蒲头上载当地拍摄嘅单人照。

Alex于《降》中饰演嘅“施劳斯”甚重戏份，与“马季”马国明亦敌亦友，并与“贝贝”刘佩玥有感情线发展，最后更成为夫妻，故连海报上都占一席位。

Alex参选2016年香港先生入行，一身健硕肌肉兼纹身成为焦点，虽然最后只能打入十强，但获无綫高层乐易玲及余咏珊赏识，唔少剧集都有佢嘅身影。

而该剧监制方骏钊今日出席《降》剧宣传，对此表示不知情、更说：“都冇安排佢喺呢个剧宣传，因为都够晒多人，佢又唔系好多人认识，再加上唔喺香港。（公司有冇特别指引？）都冇。（会唔会关心吓佢？）大家拍完剧都冇联络。（下次开剧唔预咁敏感嘅艺人？）唔系睇呢样嘢，系睇啱唔啱个角色，以演戏行先。”

无綫助理总经理乐易玲接受东网访问，表示十一月中时，麦凯程临上机前曾告知她，因家中有事，故要离开香港一段时间，而当时他亦因未能配合剧集《逆天奇案》拍感到歉意。而麦凯程到埗后，透过短讯向无綫请了几个月假，之前假期完结，无綫方面亦有联络他，但却联络不上。无綫亦曾联络麦凯程的父亲，亦联络不上。

无綫企业传讯部表示：“麦凯程早前因急事离港，目前不知道他甚么时间复工。”