孫耀威深圳隔離未夠14日就走得？網友質疑違規

藝人孫耀威5月7日在社交網透露在深圳隔離第一天，之後再於5月9留言：「深圳隔離的第三天！謝謝酒店員工的鼓勵，我繼續做好本份！辛苦酒店各個部門的伙伴，辛苦你們了！加油！」今日應是孫耀威隔離第8日。

藝人黃竣鋒剛巧隔離完14日，他晒出與孫耀威的合照並留言：「成功報團深圳隔離14日遊，感謝深圳灣口岸各工作人員非常體貼和超有愛的服務，特別是我身邊的這位工作人員小哥哥，貼心服務非常到位，辛苦你們了。」有網友即時質疑孫耀威隔離未夠14日，便周圍走是否違規？

孫耀威受訪時話：「依家政策，入境係要強制入住指定酒店7日隔離，如果深圳有屋企或有地方，咁我要喺第1日、第5日同第7日都要做核酸測試同驗埋血，如果都呈陰性，咁完成頭7日，可以由醫務人員及派車送我回家，佢哋會喺屋企貼上封條，開cam，我只可以開門拎外賣，垃圾就請送外賣嘅人代為丟，全程唔可以離開，咁我再加多7日就完成晒隔離。」