跳躍F4全部同佢拍過拖　郭子豪陳展鵬爭女

藝人郭子豪出席無綫活動，透露早前完成無綫劇集《食腦喪B》後，近日便投入新劇《超能使者》拍攝工作，劇中演快餐店老闆，與劉佩玥有感情線，期後陳展鵬出現於二人感情中，故屆時將與展鵬來一角爭女角力戰。

首次與劉佩玥合作的他，笑指於「跳躍F4」當中，其中三子也曾與劉佩玥拍過感情線，更說：「今次加埋我就儲齊晒！（同展鵬爭女緊唔緊張？）其實當年訓練班出嚟拍第一套劇，已經同展鵬合作，真係要跟佢學嘢，我都有睇啲分場，所以都要提升自己，拍完呢套劇，6月中開另一套劇，到時要演兒童科醫生，都要時間做準備。」