2003年港姐Re-U　壽星楊洛婷低V騷胸搶鏡

前港姐楊洛婷（Rabeea）今個月16號生日，喺圈中人緣唔錯嘅佢，相信呢個生日月已經Full Booking！早前先見佢約咗好友唐詩詠、周家蔚吹蠟燭，仲同同月壽星詩詠咀嘴，呢日佢就孖兩位索爆人妻曹敏莉、戚黛黛提早慶祝，影咗張2003年港姐三冠嘅世紀Re-U合照﹗一睇就知佢哋默契十足，除咗衣着顏色都係走Summer路線，襯到絕一絕之外，仲齊齊戴咗流蘇大耳環，十足十係三胞胎！

身為主角嘅Rabeea，就着咗條白色低胸連身花花裙，微微咁騷胸，性感得嚟又不失優雅，佢留言話好鍾意兩位姊妹為佢表演唱生日歌，仲好開心可以Keep到呢份17年嘅姊妹情！有唔少網民都大讚三位依然咁省鏡，靚到好似食咗防腐劑咁！