《降魔的2.0》入戲太深　林凱恩拍到抑鬱？

藝人林凱恩於無綫劇集《降魔的2.0》飾演的角色仇恨心很重，有別於她平時演開的斯文乖女角色，出來反應都相當唔錯，不少網友讚她的演出令人眼前一亮！林凱恩拍攝時花了很多心機，有時更因太投入角色，返到屋企都「唔多出聲」，她謂：「我拍嘅時候都真係冇平時咁開心，返到屋企靜晒唔多講嘢。（媽咪會唔會擔心妳？）佢平時好關心我，不過，見我嗰排咁靜，反而畀空間我，明白係我嘅工作需要，會默默支持我。」