試鏡習武點防非禮？邱芷微教你5招保安全

近日喺網上疑有男子以試鏡教武術為名非禮為實，呢件事震驚成個演藝同武術界！對於呢件事，藝人邱芷微（Chelffy）透露有朋友曾與該男子Casting：「我有個模特兒朋友透過社交網嘅演員群組，見到工作招募就去公園同佢Casting，後來感覺好唔對路就冇接到呢個工作。」佢又提醒大家如果去Casting，事前要了解工作性質，同埋若果期間發現有任何唔對路，唔好覺得唔好意思，要懂得拒絕對方同盡快離開。」

Chelffy仲同男友、武打演員陳志忠（Wilson） 齊齊拍片，示範女仔學功夫時要點樣保護自己，片中見到作為教練嘅Wilson透露會用雞髀靶代替用手接觸女學員，又話特別係學詠春時會有雙人黐手練習，佢就會要求女學員戴上護甲，避免有誤會發生。