「張無忌」開工現真身 林峯回春一洗佬味

20200516
東網電視
更多新聞短片
見到真人,成個Feel又唔同咗~
導演王晶開拍新版《倚天屠龍記》,仲揀咗林峯做新一代「張無忌」,月初公開造型照,當中黑實林峯嘅以長髮古裝Look示人,卻慘被網民嫌老……據攝影師爆料,《新》喺官宣主演陣容幾日就火速開工拍攝,大家終於都可以見到「張無忌」真身!
有大陸媒體就拍得現場實況,見林峯穿上深色長袍,同助理由房車走出來直奔片場,同工作人員匯合,神色輕鬆自然,仲不時同劇組人員傾閒偈,攝影師就表示佢個造型「超帥氣」,睇嚟林峯心情完全不受網民劣評所影響。之後林峯同其他演員及劇組人員齊齊溝通劇情,林峯神采奕奕起身開工,毫無壓力兼笑晒口,同早前公開嘅愁眉不展嘅造型照好大反差,一洗網民口中嘅佬味,狀態大勇!
而新版《倚天屠龍記》其他演員仲有陳紫函飾紫衫龍王,劉浩龍飾宋青書,朱晨麗飾殷素素,古天樂飾張翠山,甄子丹飾張三豐等。