港姐冠軍黃嘉雯冇工開　踩過界學寵物美容

20200517
  • 東網電視
    更多新聞短片
    呢段時間唔自我增值點掂？！
    應屆港姐冠軍黃嘉雯（Carmaney）趁疫情的空檔期自我增值，日前卸下港姐光環化身狗奴才，現身太子一間寵物美容店，拎起專業梳毛用具，紆尊降貴專心幫「毛孩」扮靚，修剪毛髮手勢有板有眼。雖然狗狗活潑好動，但Carmaney三兩下工夫就將狗狗馴服得貼貼服服。
    上完堂後，抱住狗狗的Carmaney，變身「人肉梳化」將狗狗坐在其又長又白的美腿上，到離開寵物美容店時，就做低頭族邊行邊撳電話，相信是向外籍「雷神」男友報到。
    長腿行街吸睛
    當日天氣酷熱，雖然貴為選美冠軍，但她未有做「伸手黨」截的士趕歎冷氣，反而徒步到附近的小店買平民價甘筍汁解暑，啜了幾啖後，又在熱辣辣的鬧市中慢行，由於其美腿生輝，又行得似模特兒，沿途吸引不少路人目光。
    步行約10分鐘抵達港鐵站，甫步入車廂的她，並非第一時間搵位坐抖一抖，而是站在門口旁狂撳電話，油麻地站落車再急步行到鄰近的商場大廈幫襯美甲店，就算少幕前Job都要Keep住靚。