湯洛雯冧爆收Cake 妹妹晒線搶Like

20200517
東網電視
更多新聞短片
湯洛雯獲妹妹親手整Cake賀生日。
「靚湯」湯洛雯早前生日,繼同屋企人、好友高海寧等人慶祝後,呢日佢妹妹湯樂瑤再有表示,原來妹妹親手整咗個獨角獸造型嘅蛋糕畀佢,簡直靚到爆!靚湯都忍唔住讚妹妹多才多藝:「我呢個妹雖然好多缺點,但係優點一定多過我,佢嘅藝術細胞真係宇宙最強,多謝你整畀我嘅蛋糕,我好鍾意!雖然遲咗幾日但係見到你整咗成日,冧咗!」
佢爆料話後面幅畫都係妹妹畫,又笑問充滿藝術細胞嘅妹妹,點解要讀法律。見到靚湯兩姊姊真係好省鏡,低胸上陣嘅妹妹條事業線若隱若現,相當吸睛,姊妹情深嘅兩人即刻獲大批網友同圈中好友畀Like!