開三大條件拍《金宵2》？李施嬅咁樣講

藝人李施嬅主演的劇集《金宵大廈》叫好叫座，而《金宵大廈2》已落實八月開拍，女角亦鎖定施嬅，監製葉鎮輝表示新劇將是全新角色，而施嬅跟上輯一樣會一人分飾兩角。

有指施嬅開出三大條件，包括先睇劇本、要原班人馬及有更多資源才肯接拍，施嬅受訪時否認：「我冇開任何要求，套劇係編審同監製嘅心血，要尊重佢哋，而且我好信任佢哋嘅能力同創作，唔到我要求，我只需要盡演員本分。我哋會再開會傾，我未百分百落實接拍，如果係，我會公布。我好開心，大家掛住呢套劇，好多粉絲都留言想我拍，我都好想。」