【生日晒愛】王君馨感激老公3年前隻身來港

藝人王君馨（Grace）同老公Daniel由拍拖到結婚相愛14年，至今依然非常恩愛，呢日Daniel生日，身為廿四孝老婆嘅Grace當然為佢大肆慶祝，搵嚟一大班朋友大搞生日Party，仲準備咗老公細個最鍾意嘅卡通人物「忍者龜」公仔造型嘅生日蛋糕，相當有心思。

Grace喺社交網甫出多張靚相，見佢攬實老公肉緊獻吻，真係sweet到爆，佢仲留言送上生日祝福，並趁機多謝老公三年前放低紐約嘅一切來港陪佢生活：「他是一位常常對人好但不需回報的人。他是一位說話好少但係做事多多的人。三年前，他為了我離開了紐約，來到一個陌生嘅地方，沒有甚麼朋友。今年他生日，我想讓他知道，他是一位有很多朋友重視，愛錫，和珍惜的人。」