馮盈盈疑違例泊車　60萬座駕「被消失」

前港姐馮盈盈早前被爆暗撻大隻主播鄭衍峰，更貼埋60萬靚車畀對方任揸，不過據知其靚車近日竟然離奇失蹤！有消息指日前馮盈盈揸住情侶車出巡去到觀塘，但就疑似將座駕停放於不准泊車嘅停車場門口後離去，其後折返時驚覺座駕「人間蒸發」，未知係咪因違例泊車而遭有關部門拖走。

而今日馮盈盈就喺社交網發文，透露過去一星期嘅心情猶如玩過山車一樣大起大跌，指明白到自己喺最無助嘅時候，非常需要有人可以伸出援手，又多謝好友嘅關心，並報平安稱：「我無事，唔使擔心」，似乎回應失車一事。