黃翠如唔敢幫唐詩詠相睇：累咗個男仔！

藝人黃翠如現身電視城為無綫新劇《七公主》開工，透露已休息了半年，期間做了不少瘋癲事情，試過穿睡衣揸車到超市撲米，惟最終撲空。

談到日前於酒店房與好姊妹唐詩詠慶祝生日，還穿上浴袍切蛋糕，翠如笑指為對方先後慶祝了七日，獲對方邀請做Spa作回饋。問到詩詠是否有喜訊公布？翠如笑說：「其實同佢睇完報道都得啖笑，唔好係唔係都拉到去結婚，我都想佢有幸福嘅事宣布，不過未來佢要連開三套劇，相信未必有時間去辦喜事，其實佢身邊嘅男人就係得我一個！（介紹男仔畀佢！）佢嚟緊咁忙，如果介紹即係累咗個男仔，大家唔使擔心，呢年幾我會認真幫佢搵。」

問到再開工是否習慣？翠如表示首天與高海寧拍攝激烈嗌交戲，再加上天氣炎熱，結果令戲服濕透：「劇入面我成日着西裝同高踭鞋，所以外景就搞到成件褸濕晒，最後要吹乾先可以再繼續拍，再加上對高踭鞋係尖頭同斗零踭，本身有扁平足，所以唔習慣，我會等唔使埋位同影唔到全身嘅時候着番平底鞋。」