大熱天時揸戰車出巡　張繼聰為咗呢樣嘢

藝人張繼聰最近重拾對電單車嘅熱愛，頻頻揸住戰車出巡，繼早前載老婆謝安琪兜風晒恩愛，呢日佢更搵埋森美、張振朗等一班電單車發燒友，組團出車到郊外影靚相，認真係「男人的浪漫」！張繼聰喺社交網甫出靚相，並留言直呼熱血：「平時開工，最怕大熱天時，去荒山野嶺拍攝。估唔到，依家成班中佬，熱C辣辣，揸架車去山旮旯，山長水遠就係為咗影張相，不過係好快樂嘅！」