索媽出動!三點式襲沙灘 陳爽大晒超長腿

20200518
東網電視
更多新聞短片
兩位靚媽都帶小朋友落水玩!
尋日星期日陽光普照,唔少媽咪都帶仔女去曬吓太陽!好似育有一對仔女嘅陳爽,就帶咗小朋友去沙灘玩,身穿三點式嘅佢大晒長腿及Fit爆高挑身材,網民都話「不敢相信已有兩個小孩」,而胡杏兒都大讚「Fit mommy ❤️」。陳爽就留言:「她的快樂:不一定要去旅行,在沙灘玩玩水已經好開心;我的快樂:不一定要完美,能被人需要和有時影張相就可以了。」
而5月16日生日嘅楊洛婷,最近就一家三口去咗住酒店慶祝兼Relax,咁就梗係唔可以放過去泳池游水機會啦!不過一向大方嘅佢竟然密實上陣,未有着比堅尼,略為失色,但溫馨程度就滿分!