【貴過山頂】佘詩曼豪宅位置曝光　3房月租32萬

視后佘詩曼（阿佘）所住嘅豪宅日前喺內地綜藝節目《看我的生活》曝光，節目中所見客廳和飯廳都十分寬敞，有足夠空間招呼好朋友，而景色都非常漂亮，屋內設有落地玻璃窗戶，單位外還設有露台，飽覽四周的景色，真是令人非常羨慕！

節目一出後，網民都很好奇阿佘究竟住喺邊，即刻根據節目中的片段人肉搜出，據知原來阿佘住嘅唔係真正嘅住宅，而是尖沙咀K11 ARTUS（寓館），屬於服務式住宅，最細開放式單位月租5.7萬至9.5萬元，3房月租叫價高達32萬元，呎租167元，相信佘詩曼住嘅係最貴嘅一間。呢個服務式住宅最吸引人之處，係唔少單位都有維港煙花海景，但其實呢個呎租，比起不少山頂豪宅都要貴！