太太預產期11月　蘇頌輝想生前世情人

藝人蘇頌輝下午為素食活動擔任司儀。剛宣布太太有喜的他全程笑得合不攏嘴，受訪時透露預產期將於11月，且直言：「我想生個女，搵到前世情人先，下次產檢應該會知道BB性別，我哋都好鍾意小朋友。（想生好多個？）香港生活指數好高，生一個先啦，我家族有生孖胎嘅遺傳，不過醫生已經決定今胎只得一個。自從太太有咗，要守呢個秘密有啲辛苦。」他笑指目前家中雜物房，稍後將用作BB房：「所以太太成日叫我清晒啲嘢，依家嘅底線係五月底，如果我再唔清嘅話佢就幫我，所以呢幾日我都忙住執屋。」