出手即撻人!于淼跟何佩珉學武望打天下

2020年05月18日 22:10
東網電視
更多新聞短片
有時啲嘢唔係人哋睇咁…
藝人于淼(Maggie)近年劇接劇,除憑《多功能老婆》顏成功一角上位,之後於《大醬園》飾演軍官太太,觀眾反應亦相當不俗,外表嬌柔的她,原來性格獨立、剛強,去年更開始跟金牌特技人何佩珉(Mandy)學武,向打女目標邁進,希望能夠成為「多功能」演員,睇得打得!
早前她跟Mandy上堂,全程有板有眼,只需對方簡單提示便能打出多個動作,更可以一手撻低Mandy,認真犀利!Maggie學武接近一年,她直言曾因太用力而拉傷了大腿筋,但她依然堅持學武,不會半途而廢。
于淼2012年從北京來港發展,初初因不懂廣東話,令她非常苦惱,還直言擔任無綫娛樂新聞台國語主播期間,為了盡快學好廣東話,曾一度被誤會「扮高竇」:「每次我寫完稿都會忍住唔同人傾偈,爭取時間去學廣東話,但有啲同事會覺得我好奇怪,點解唔同人溝通,加上我唔講嘢個樣有啲Cool,更加易畀人誤會(高竇)。」
獨個兒面對生活,再加上無形的工作壓力,令Maggie曾一度崩潰,幸只是一瞬間,但威力都相當驚人:「記得嚟香港冇耐,有一次試鏡,當時可能有好多委屈,咁啱試鏡嘅題目係嚟香港嘅感受,唔知點解,我邊講邊喊得好厲害。(當時你講啲乜嘢?)大約係話自己喺香港無人無物,但我都要生存落去,當時啲工作人員都以為我畀人蝦得好犀利,猛咁安慰我,依家諗番轉頭就覺得幾好笑。」
場地提供:HITHUT 輝煌電影動作訓練.創作室