庾澄慶再婚性格大變　同黑面神講拜拜

台灣情歌王庾澄慶（哈林）以前成日被人話佢「奇葩臉」，即係成個苦瓜乾咁，唧都唔笑，可能係佢當年因伊能靜畀頂綠帽佢戴，最後婚姻破裂，一直耿耿於懷。

事過境遷，哈林自從喺2016年再娶細佢14歲嘅主播張嘉欣，接連生下愛女「哈蜜瓜」和兒子「哈寶」後，成個人開心番，加上工作量減少，舊年全家仲搬入信義區億萬豪宅，全心享受家庭生活。

其實哈林再婚後變得外向開朗，之前接受訪問時，更罕有咁話老來得子令佢有平穩感：「心裏面不會慌，工作時很衝，一回家就可以整個放空。」就算小朋友突然喪哭或嘔奶，對佢嚟講，都係幸福嘅煩惱，佢仲話呢啲係：「我夢想的生活！」