溫碧霞「520」出歌為抗疫打氣

20200519
東網電視
更多新聞短片
溫碧霞出歌為大家打氣。
已有16年沒有推出新歌的英皇藝人溫碧霞(Irene),選擇明天充滿愛的「520」特別日子,送上她在新冠肺炎疫情下,為大家發放正能量的打氣歌《Make You Smile》。英皇十分重視Irene這首打氣歌,邀請了一班猛人為她打造這首歌,MV後期製作上亦花了不少心思,將Irene女神般的笑容及輕快柔軟優美舞姿,再配以充滿陽光與夏日夢幻花花世界的3D效果。
Irene十分喜歡MV效果:「全個MV都被色彩鮮艷嘅鮮花包圍,希望大家睇到都被MV畫面感染到開心,笑着面對困境,困境好快就會過去。」她自從1994年在香港推出《情無後悔》大碟後,相隔26年為疫情再推出廣東新歌:「好多香港歌迷催咗我好多年,特別將呢首咁正能量嘅歌曲送畀所有愛我嘅香港歌迷,佢哋等咗我26年啦!」
由她主演的電影《墮落花》已定於5月22日首映,5月28日正式公映,近日舉行了兩場優先場,反應相當熱烈,口碑一致好評,觀眾大讚她,她有感而發:「《墮落花》係一部好多心機好有誠意拍攝嘅香港電影,亦係少有嘅女臥底題材,疫情已逐步穩定,希望政府快啲放寬限聚令,可以一家人或一班朋友,開開心心坐埋一齊欣賞一部好電影,多啲觀眾支持香港電影票房。」