火火爆電影界潛規則　帳篷唔係人人入得！

ViuTV節目《晚吹–空肚講宵夜》主持梁祖堯（Joey），蔡瀚億（BabyJohn）和陳俞希（Hailey）在明晚播出的一集，邀得由李家榮（火火）與李健宏（KB）組成的雙龍出海擔任嘉賓。節目首次邀請男嘉賓到場，梁祖堯笑指Hailey打扮得特別性感，他笑說：「快啲影吓呢個八婆嘅下半身，無啦啦着到遊船河咁，平時唔係咁着架。」Hailey則笑說：「同火火拍第一套戲就已經着三點式，所以今日服裝唔算性感。」火火聞言則笑說：「當時有十幾個索過佢嘅女模，所以冇留意Hailey。」

講到消夜火火認為菜乾豬骨粥是最能代表電影界的消夜，基本上是萬年不變之選。他笑謂只有主演和導演才可以在帳篷裏用膳，其他特約演員大多都要在路邊進食。BabyJohn憶述第一次獲邀請入帳篷與其他演員、導演一起食消夜十分緊張，他說：「雖然枱面有好多餸，但自己完全唔敢夾餸，嗰種感覺好尷尬。」