何嘉莉開綠燈畀個仔入娛圈　大前提係...

藝人何嘉莉帶同7歲大仔以母子裝上陣，在幼稚園拍攝香港開電視節目《我的志願速成班》。她表示該節目講小朋友的興趣與將來職業掛鈎，她表示上節目可以了解媽媽的工作環境，故今次是首次與囝囝一同拍節目。問到囝囝的志願想做甚麼？她笑言：「小朋友成日轉，佢之前就話想做建築師，因為佢幾鍾意畫畫，佢話想起間大屋，連埋公公婆婆、爺爺嫲嫲，成個大家庭一齊住。（聽到好甜？）甜嘅，但婆婆最甜，因為佢成日同婆婆講。」

問如果將來囝囝話要入娛樂圈？她說：「如果佢真係好鍾意，可以試吓無妨，但一定要有一技傍身，要有一、兩種求生、搵食技能，如果佢試過唔鍾意都仲可以轉做其他行業。」她又透露囝囝將於下周復課，問到可擔心疫情？她坦言：「都擔心，但唔返學又驚佢跟唔上，惟有提佢多啲洗手，唔好除口罩，都帶多一、兩個口罩畀佢換。」問到可擔心囝囝跟同學撈亂口罩？她笑言：「7歲唔會喇掛！惟有提佢除咗之後，搵唔番就換過個新。」