最愛許冠傑　王敏德獻唱《最佳拍檔》

藝人王敏德（Michael）錄影節目《流行經典50年》，他表示會獻唱「歌神」許冠傑（阿Sam）的經典金曲《最佳拍檔》，廣東話麻麻的他苦練數日，用拼音做標記。原來他與阿Sam有淵源：「佢拍電影《最佳拍檔》時本來有個替身，但對方突然受傷斷咗腳，導演臨時搵我頂替，所以我做過佢替身。」

Michael表示本身很喜歡阿Sam的歌，最近亦有留意阿Sam的慈善演唱：「希望佢會睇到我今次嘅演出，會邀請我合唱，希望將來接到佢電話啦。」談到他有份參演的《飛虎之雷霆極戰》昨晚首播，Michael亦已出場，他卻表示：「我Miss咗！因為老婆要睇另一個台，總之我出街食飯啦。」