新戀情曝光?周冬雨疑暗撻教練 網民晒「證據」

20200520
東網電視
更多新聞短片
周冬雨戀上私人英文教練?
出爐金像獎影后周冬雨感情生活非常低調,其唯一公開承認嘅係男友,係「富二代」大學同學田明鑫。而最近就有傳暗撻私人英文教練,網民更偵探上身,綜合多項「證據」!
兩人被發現經常上載男女視角照片,旅行時間及地點都非常「巧合」包括同遊峇里,周冬雨更着上大碼男友衫,兩人又喺同一段時間嚟過香港,只各自上載喺船上獨照掩人耳目!日常生活上,兩人喺2019年7月及2020年5月,又曾經分別上載用相同花紋碟用餐嘅相!
當得悉周冬雨奪得金像獎影后時,男方興奮得連續更新兩次社交網,仲直呼周冬雨做「Queen」(女皇)!而周冬雨同男方嘅媽咪更互相追蹤大家社交網,睇嚟非常親密!
而2017兩人相識那年,周冬雨受訪被問到:「身邊合作的演員,有讓你心動嗎?」而佢就答:「我不太會找圈裏人吧,因為大家都太忙了。」戀情被踢爆後,教練嘅社交網帳戶已經搵唔到,唔通真係拍拖?