關智斌男扮女裝 戴胸圍塞兩個橙裝假狗

20200520
東網電視
更多新聞短片
真係辛苦晒!
歌手關智斌(Kenny)到電台宣傳新歌《日月》,他表示5月有不少宣傳工作,除了新歌外,其主演電影《墮落花》亦會舉行首映,內地古裝劇《長相守》又正熱播,不時要在網上宣傳。他透露劇集改編言情小說,又大爆劇中飾演雌雄莫辨的角色,有時會女裝。記者打趣扮女裝應該難不倒他?他即謂:「唔係啦!仲要係古裝。(你應該好靚?)我都以為係,但我做運動顴骨好突,輪廓太man。」他大呻做女演員很辛苦:「男仔化妝用一個鐘,但女仔要化兩個鐘,所以真係對女演員無限尊重,頭飾又重,啲妝又厚。」
他又大爆最慘是戴胸圍:「戴完之後我真係塞咗兩個橙入去,好辛苦,因為我着嗰啲衫係薄紗,所以我對身材好嘅女演員係特別極度尊重!真係好辛苦,我仲要戴胸圍勒住,戴足起碼12個鐘。」他又謂穿了裙之後條裙很窄,不能擘開腳,上樓梯及行路只能小碎步,後期更頂唔順要拉高裙子走路,而鞋墊又薄,對鞋又細隻,又要兼顧做戲:「所以真係好佩服女演員,以後會特別照顧佢哋,會扶佢哋,會對佢哋噓寒問暖,哈哈。」問到為何要扮女裝?他笑言:「講我係番邦王子,係傾國傾城最靚仔,但畀人入侵國土,所以同女主角落難,去到鄉村佢扮男,我扮女。」