粉絲心碎！郭書瑤晒婚戒：I got married

台灣「童顏巨乳」性感女神郭書瑤（瑤瑤）早前被爆與Spexial前成員王以綸於一年幾前已經分手，而佢日前出席活動時亦表示最近冇桃花，不過昨日「520」，佢竟突然自爆「婚訊」，即令一班粉絲大感驚訝！佢喺社交網晒出一張戴上婚戒嘅照片，並留言指一直嚮往喺「520」結婚，依家終於夢想成真：「2020520是我心目中最嚮往的結婚日，I got married to someone（我已嫁給了某人）」。

唔少男粉絲非常激動，驚呼「女神封盤了」，但唔使擔心，其實瑤瑤所謂嘅「婚訊」，只係指嚟緊將於新劇飾演人妻，並非真係結婚，佢事後解釋：「好啦，不鬧了！是新作品啦～雖然我本人的心願真的是想在2020520結婚，但我現在單身...」令粉絲鬆一口氣。