戴祖儀「激凸」賣萌　網民錯重點：晾咗喺枱面

歌手戴祖儀（Joey）憑住長腿成功俘虜唔少宅男，但其實佢嘅上圍亦相當有料，好似早前佢喺社交網上載一張做瑜伽嘅獨照，雖然佢以手部半掩上半身，但都明顯睇到玲瓏浮凸嘅好身材，獲激讚「禾稈冚珍珠」！

今次佢再「加碼」派福利，上載一張自拍照，見佢嘴嘟嘟賣萌，相當可愛，不過重點係着上黑色緊身衫嘅佢靠近枱邊，「凸」顯出完美身段，即睇到一班網民嘩嘩聲，大讚佢認真「有料」，留言話「我係咪重點錯咗??我只見到枱上嘅物體??」、「晾起咗喺枱面」！